ARCHDIOCESE OF NUEVA SEGOVIA – PASTORAL LETTER ON THE BIBLICAL APOSTOLATE

CIRCULAR No. 1/2008 

                                          Date: February 22, 2008resize-of-resize-of-copy-of-abp-salgado.jpg

To: All members of the Clergy and the Religious

From: The Archbishop

Re: Pastoral Letter on the Biblical Apostolate

Dear Reverend Monsignori, Fathers and Sisters:

Here is the Pastoral Letter on the Biblical Apostolate, which is a fruit of the First Archdiocesan Bible Congress held at the Divine Word College of Vigan last January 27, 2008 at the Closing of the National Bible Week.

This is to be read on all masses of February 24, 2008.

Let us rediscover the Word of God, source of reconciliation, justice and peace and strengthen the Biblical Apostolate.

My fraternal best wishes for you and your communities.

From our Residence in Vigan City.

+Ernesto A. Salgado, DD

Archbishop of Nueva Segovia

  

Rev. Willi Jones W. Ducusin

Chancellor

 

SURAT A PASTORAL MAIPAPAN ITI “BIBLICAL APOSTOLATE” 

Babaen ti nawaya a pangngeddengna, ni Apo Dios nagpakaammo kadagiti tattao. Ania dagiti impakaammona? Ti kinasiasinona ken ti planota. Ti plano ni Apo Dios isu ti misterio ti pagayatanna: dagiti tattao makaasidegda iti Ama, babaen ken Cristo, ti Saona a timmao iti pannakabalin ti Espiritu Santo ket it kasta makiranudda iti kinadiosna (DV, 2; Ef. 1:9, 2:18; 2Pd 1:4) ket agbalinda nga annakna iti sidong ti kakaisuna nga Anakna (1Tim 6:16). 

Jesucristo 

Naitungpal ti panagpakaammo ni Apo Dios babaen dagiti aramid ken sao a nailagalaga iti maysa ken maysa kadakuada, a niin-inut a naipakaammo kadagiti tattao ket nagtungpal ken Jesucristo, ti napalungdoan ken awan pagkuranganna a Sao ti Dios. Ni Jesucristo ti pagpuniponan ti amin a panagmakaammo ni Apo Dios. 

Nasantoan a Surat 

Ti Nasantoan a Surat isu ti pakaammo (Sao) ti Dios a naisurat babaen ti pannilaw ken panangiturong ti Espiritu Santo (DV, 9). Iyallatiwna ti Sao ti Dios nga intalek ni Cristo ken ti Espiritu Santo kadagiti apostol ken kadagiti nadutokan a simmukat kadakuada, tapno mataginayon, mailawlawag, ken maisaknap daytoy a Sao babaen ti panangaskasabada iti bileg ken pannilaw ti Espiritu Santo (DV, 9). 

Idudur-as ti Pammati 

Ti idudur-as ti pannakaawat iti pammati agsanggir iti panagam-amiris dagiti mamati babaen ti panagadalda kadagiti banbanag a mainaig iti pammati ken ti pannakapadasda wenno pannakaeksperiensiada kadagiti naespirituan a banbanag. Nangruna unay a dumur-as ti pannakaawat iti pammati (“Sensus Fidei”) babaen ti panagbasa dagiti mamati iti Nasantoan a Surat (DV,8; San Gregorio). 

Pangngeddeng 

Kalpasan ti naan-anay a panangad-adalko iti “Statement” ti kongreso ti Biblia a naaramid ditoy Nueva Segovia idi Enero 27, 2008, ikeddengko babaen daytoy a Surat Pastoral dagitoy sumaganad a naadaw ken naibatay iti “Statement” ti Kongreso: 

  1. “Family Bible Reading” (FBR). Maisungsong dagiti Katoliko a pamilia iti panagbasa a sangapamilia iti Biblia, inaldaw koma, a kas paset ti biagda iti sidong ti pammati. Ta uray no ania a programa ti igannuat ti “Biblical Apostolate”, no dagiti mamati saanda nga agbasa a regular iti Biblia (“Bible Reading”), adda pagkunaan dagiti programa a maigannuat.
  2. “Biblia Para Tunggal Pamilia” (BPTP). Tapno adda basaen ken pagbasaan dagiti Katoliko a pamilia ditoy Arkidiosesis ti Nueva Segovia, masapul a maaddaan ti tunggal pamilia a Katoliko iti Biblia.
  3. “Bible Enthronement” (BE). Mabendisionan ken maisaad ti Biblia iti altar ti tunggal pagtaengan, bareng ta daytoy a pagtaengan agbalin nga “Ecclesia Domestica”, Simbaan iti Pagtaengan, a pagubbogan ti hustisia, panagpipinnakawan, ken kappia.
  4. “Biblical Apostolate Commission” (BAC). Mariing daytoy a Komision iti tunggal parrokia. Ket no awan pay daytoy a Komision, masapul a maipasdek tapno isu ti mangkita ken mangiwanwan iti FBR, BPTP, BE, ken BBE (sumaruno a mailawlawag iti numero 6).
  5. “Bible Coordinator” (BC). Maaddaan ti tunggal parrokia iti “Bible Coordinator”. Kasta met a maaddaan ti tunggal Vikaria (innemda amin) iti “coordinator”.
  6. “Basic Bible Education” (BBE). Narigat nga ipateg ti maysa a banag a saan a maawatan. Masapul daytoy a kita ti pannakaiyadal ti Biblia no kayattayo nga ipateg dagiti mamati ti Biblia. Daytoy nga adal-Biblia ket masapul nga agtultuloy, saan laeng a maminsan a panagseminar.
  7. “Mass Media” (MM). Makipaset ti Timek ken DZNS iti “Biblical Apostolote” ti Arkidiosesis para iti nalawlawa a madanon ken masaknap ti BA. Maiyawis daytoy a pannakaipaset kadagiti sabsabali a grupo ti “mass media” ditoy Ilocos Sur.

 Namnama 

No igagedtayo nga ipakat dagitoy pito a punto a naikeddeng, manamnama ti panagbalbaliw ti annayas ti biag ditoy Ilocos Sur. Manamnama met a pumudnonto ti tema ti Congreso – “Ti Sao ti Dios: Ubbog ti Hustisia, Panagpipinnakawan, ken Kappia.” 

Pirmaak daytoy a Surat Pastoral ita a Pebrero 11, 2008, iti maika – 150 a tawen ti panagparang ni Birhen Maria idiay Lourdes. Italekko kenkuana ti “Biblical Apostolate” ti Arkidiosesis ti Nueva Segovia.  

Signed: 

+Ernesto A. Salgado

Arzobispo ti Nueva Segovia 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: